أوضح البيان لمعاني وهدايات القرآن

Gabatarwar Bugu Na Biyu

Yabo da godiya da kirari sun tabbata ga Allah. Tsira da aminci su tabbata ga Annabinmu Muhammad da alayensa da sahabbansa da waxanda suka bi tafarkinsu har zuwa tashin alqiyama.

Bayan haka, muna farin cikin gabatar wa 'yan'uwanmu Musulmi masu magana da harshen Hausa bugu na biyu na tafsirinmu (Fayyataccen Bayani Na Ma'anoni Da Shiriyar Alqur'ani) bayan qarewar bugunsa na farko cikin xan taqaitaccen lokaci da yawan buqatar da ake da ita daga makaranta Musulmi.

Muna yi wa Allah godiya da wannan ni'ima da ya yi mana, kuma wannan ba komai yake nunawa ba sai girman albarkar da take cikin wannan Littafi mai Albarka, wato Alqur'ani kamar yadda Allah (صلى الله عليه وسلم) ya siffanta shi. Sannan kuma hakan yana nuna cikakkiyar qauna da Musulmi suke da ita dangane da Littafin Mahaliccinsu da tsananin shauqi da ya cika zukatansu na son su fahimci saqon da wannnan Littafi mai albarka ya qunsa.

Wannan bugu na biyu, bai zo da wani qari ko ragi ba daga abin da yake cikin bugu na farko, babu wani babban canji a cikisa sai 'yan gyare-gyare kaxan na kuraren rubutu da alamomin waqafi da sauran abin da aikin xan'adam mai rauni ya gada. Don haka muna tabbatar wa masu karatu cewa, babu wani babban banbanci tsakanin wannan bugu da na farko.

Sannan muna yi wa 'yan'uwanmu albishir da kyauta ta duniya da wannan aiki ya samu daga babbar Cibiyar Fassara ta Sarki Sheikh Hamad da ke Doha a qasar Qaxar (Qatar), a matakin fitacciyar fassara daga harshen Larbaci zuwa harshen Hausa a shekarar 2020. Wannan duk yana daga cikin albarkar wannan Littafi mai girma.

Muna miqa godiyarmu ga duk 'yan'uwa Musulmi da suka taimaka da gudunmawarsu wajen ganin an sake buga wannan Tafsiri, musamman babban attajiri Alhaji Aminu Alhasan Xantata, wanda ya ba da taimakon mafi girma a wannan aiki. Allah ya saka masa da mafificin alheri, ya qara masa lafiya da tsawon rai mai albarka, ya sa masa dukkan ayyukansa cikin mizaninsa na ayyukan alheri. Hakanan dukkan sauran waxanda suka taimaka mana, muna rokon Allah (صلی الله علیه وسلم) ya yi musu gwaggwavar sakayya a duniya da lahira, ya albarkaci rayuwarsu da ta zuriyarsu da dukiyarsu. Amin.

Kamar yadda muke sake miqa godiya da addu'a ta musamman ga kwamitin bugun wannan Tafsiri waxanda Allah ya albarkace su da zamantowa farkon waxanda suka tallafa wajen fito da wannan aiki cikin kyakkyawar surarsa ta farko, kuma suka ci gaba da ba da gudunmawa wajen sahhale aikin bugu na biyu. Allah ya yi musu kyakkyawar sakayya duniya da lahira, ya sanya wannan aiki ya zama 'Sadaka Jariya' gare su ko bayan mutuwarsu. Hakanan da sauran attajiranmu waxanda suka ba mu gudunmawa mai tsoka qwarai da gaske wadda ta taimaka mana gaya a bugu na farko da wannan bugu na biyu da yake gabanku. Allah ya yi musu mafificiyar sakayya a duniya da lahira. Amin.

Daga qarshe muna qara jaddada godiyarmu marar iyaka ga Allah (صلی الله علیه وسلم) da ya ara mana wannan dama ta hidimta wa littafinsa mai albarka. Allah ya sa mu ga albarkarsa a rayuwarmu, ya hore mana damar aiki da koyarwarsa ya tashe mu cikin makarantansa ranar alqiyama, ranar da dukiya da 'ya'ya ba za su yi amfani ba sai wanda ya zo wa Allah da lafiyayyar zuciya. Amin.

Dan'uwanku
Muhammad Sani Umar Rijiyar Lemo, Kano
8, Jumada at-Thani, 1442
21, January, 2021